നിരന്തരം അശ്ലീലസൈറ്റുകൾ സന്ദർശിക്കുകയും, അശ്ലീലദൃശ്യങ്ങൾ കാണുകയും ശേഖരിച്ചുവക്കുകയും കൈമാറുകയും ചെയ്യുന്നവരെ കേന്ദ്രീകരിച്ച് ജില്ലയിൽ ഓപ്പറേഷൻ പി ഹണ്ട് എന്നപേരിൽ പോലീസ് പരിശോധന നടന്നു. ജില്ലാ പോലീസ് സൈബർ സെല്ലിന്റെയും, വിവിധ പോലീസ് സ്റ്റേഷനുകളുടെയും സംയുക്തനേതൃത്വത്തിലാണ് റെയ്ഡുകൾ നടന്നത്. ഇത്തരത്തിൽ ഉപയോഗിച്ചുവെന്ന് കണ്ടെത്തിയ 4 മൊബൈൽ ഫോണുകൾ പിടിച്ചെടുത്തു. തിരുവല്ലയിൽ രണ്ടും, ആറന്മുള റാന്നി കീഴ് വായ്പൂർ,എന്നിവടങ്ങളിൽ ഓരോന്നുവീതവുമാണ് പിടിച്ചെടുത്തത്. ജില്ലാ പോലീസ് മേധാവി വി ജി വിനോദ് കുമാറിന്റെ നിർദേശപ്രകാരമാണ് റെയ്ഡ് നടന്നത് . ബന്ധപ്പെട്ട എസ് എച്ച് ഓമാർ തുടർനടപടികൾ കൈകൊണ്ടു.
